SONNY'S LETTAH (ANTI-SUS POEM)
Linton Kwesi Johnson
From Brixton Prison, Jebb Avenue London S.W. 2 Inglan
Dear mama
good day
I hope that when these few lines reach you they may
find you in the best of health
I doun know how to tell ya dis
for I did mek a solemn promise
to tek care a lickle Jim
an try mi bes fi look out fi him
mama, I really did try mi bes
but none a di less
sorry fi tell ya seh, poor lickle Jim get arres
it was de miggle a di rush hour
hevrybody jus a hustle and a bustle
to go home fi dem evenin shower
mi an Jim stan up waitin pon a bus
not causin no fuss
when all of a sudden a police van pull up
out jump tree policemen
de whole a dem carryin baton
dem walk straight up to me and Jim
one a dem hold on to Jim
seh dem tekin him in
Jim tell him fi leggo a him
for him nah do nutt'n
and 'im nah t'ief, not even a but'n
Jim start to wriggle
de police start to giggle
mama, mek I tell you wa dem do to Jim?
mek I tell you wa dem do to 'im?
Dem thump him him in him belly and it turn to jelly
Dem lick 'im pon 'im back and 'im rib get pop
Dem thump him pon him head but it tough like lead
Dem kick 'im in 'im seed and it started to bleed
Mama, I jus couldn't stan up deh, nah do nuttin'
So mi jook one in him eye and him started fi cry
me thump him pon him mout and him started fi shout
me kick him pon him shin so him started fi spin
me hit him pon him chin an him drop pon a bin
- an crash, an dead
More policman come dung
dem beat me to the grung
dem charge Jim fi sus
dem charge mi fi murdah
mama, doan fret
doan get depress an downhearted
be of good courage-acap
Linton Kwesi Johnson was born on 24 August 1952 in Chapelton, a small town in the rural parish of Clarendon, Jamaica. He came to London in 1963, went to Tulse Hill secondary school and later studied Sociology at Goldsmiths' College, University of London. Whilst still at school he joined the Black Panthers, helped to organise a poetry workshop within the movement and developed his work with Rasta Love, a group of poets and drummers. In 1977 he was awarded a C Day Lewis Fellowship, becoming the writer-in-residence for the London Borough of Lambeth for that year. He went on to work as the Library Resources and Education Officer at the Keskidee Centre, the first home of Black theatre and art.
***************************************************
Not long ago, I went to hear him read his latest book of poetry and when he walked into the hall, someone stood up and before you knew it, he had a standing ovation without even opening his mouth.
And that was in a white, country setting.
I'm glad I was there to see that.
