What is this language ?

Fáilte chuig láithreán idirlíne Uachtaránacht na hÉireann ar an Aontas Eorpach. Tá súil agam gur foinse úsáideach eolais an láithreán seo duit.

Le linn Uachtaránacht na hÉireann, beidh gné iomlán nua á chur leis an Aontas Eorpach ar an gcéad lá de Bhealtaine, nuair a nasctar 10 Ball-Stát nua ó Lár agus Oirthear na hEorpa leis na 15 Ballstát atá ann faoi láthair. Tabharfaidh an ócáid stairiúil seo le chéile muintir na hEorpa, Thiar agus Thoir, agus déanfar é a chomóradh le sraith searmanais anseo in Éirinn agus trasna na hEorpa.

Tá na tiórtha seo théis dul tré phróiséas fhada dheacair chun go nglacfaí leo. Is mór an onóir a bhéas ann domsa, mar Uachtarán ar an Aontas Eorpach, fáilte a chur roimh na Baillstáit nua seo.

Am gnóthach d'Éirinn a bhéas sna sé mhí atá romhainn. Beidh muid ag díriú isteach le linn ár nUachtaránacht ar ghnó práinneach an Aontais - athchóiriú eacnamaíochta, clár oibre an chórais cirt, agus leanacht le cruthú caidrimh idir an Eoraip agus a comharsana, i ngar agus i gcéin. I rith na sé mhí sin, beidh muid ag obair chun breis dul chun cinn a dhéanamh ag cruthú comhaontais maidir leis an gconradh Bunreachtúil.

Tamall ó shin, i Lisbon, thóg an t-Aontas Eorpach ar féin gur aige a bheadh an eacnamaíocht is iomaíoch ar domhan. Beidh sé mar chuspóir lárnach ag Uachtaránacht na hÉireann dul chun cinn a threorú ar na príomh-spriocanna seo a leanas: tuilleadh fostaíochta a chruthú, bheith ag obair i dtreo breis comhtháthú sóisíalta, agus caomhnú na timpeallachta.

Níl ár gclár oibre éasca. Tá muid chun tabhairt faoin obair le huaillmhian agus le huirísleacht. Tá muid bródúil as ár ról mar óstaigh don Uachtaránacht ag an am tábhachtach seo i stair an Aontais Eorpaigh, agus cuireann muid faoinár gcúram é bheith ag obair go héifeachtach agus go hinniúil i seirbhís na hEorpa.