PJ wrote,
"OTWOTHE~O
.. that sounds delicious! I can picture it and almost taste it. Thanks for feeding me."
I think this sounds delicious. Thanks for reminding me.
Ms Paula's Aipple Tert
The bakin' at oor village show's the best ye've ivver seen.
Fowk come frae far an' near, frae ilka airt.
But listen till I tell ye a' aboot ma guid aul' freen,
An' the tale o' Ms Paula's aipple tert.
Pair Ms Paula took it as an unco fashious slight
That her pastry nivver seemed tae mak' the grade.
For the judges didna even cut a slice tae hae a bite
O' the aipple tert that Ms Paula made.
It wis in an' oot the freezer wis Ms Paula's pie,
Sma' wunner that ma freen wis losin' hert.
It nivver won a mention an' the judges passed it by.
Whit could be wrang wi' Ms Paula's tert?
'I doot,' said Mrs Thomson, ' that the judges must hae kent
Her d'oyley' (upon which the tert wis laid).
For in ivvery flooer show roon aboot, the plate wis evident
Wi' the aipple tert that Ms Paula made.
Last spring the frost had nipped the blossom: aipples there were nane.
Dame Nature cam' tae Ms Paula's aid.
For naebody had ony fruit, an' so it stood alane,
The aipple tert that Ms Paula made.
Her aipple tert wis nae the best, nor wis it yet the worst.
But by itssel' an' in a class apairt.
Sae the judges had nae option an' they had tae pit it first
And gie the prize tae Ms Paula's tert.
She wis a happy wumman: she wis quite puffed up wi' pride.
Ower the triumph that pit ithers in the shade.
She'd be mentioned in the paper, tellin' fowk the coonty wide
O' the aipple tert that Ms Paula made.
The show wis ower: she picked it up and went tae tak' it hame.
'We'll hae this tae oor Sunday tea,' she said.
An' she proodly gethered up the winnin' ticket wi' her name
Aside the tert that Ms Paula made.
Bit then, pride aften gangs afore a fa', o' that I'm shair.
She drapt the plate, an' crash! Awa' it gaed.
It lay in near a hunner wee bit pieces on the flair,
The aipple tert that Ms Paula made.
Meaning of unusual words:
frae ilka airt=from every part
unco fashious=very vexacious
d'oyley=a small round piece of linen or paper placed under a dish or bowl
aside=beside
gaed=went
